Kunstgruppa har som mål å fremje skaparglede, utforsking og stoltheit over eiga uttrykksform. Barna får erfaring med fargelære gjennom arbeid med dei tre grunnfargane, fargeblanding og utvikling av eigne fargehjul. Dei får òg prøve ulike teknikkar og materiale, som måling med pensel, tannkost, pinne, bobleplast og blåsemåling med sugerøyr. Gjennom slike aktivitetar får barna utvikle kreativitet, finmotorikk og evna til å uttrykkje tankar og kjensler på ulike måtar.

Vi ønskjer også å gi barna møte med kunst og kultur gjennom besøk til relevante museum og utstillingar i nærmiljøet og i Førde når det passar. Arbeidet i Kunstgruppa blir dokumentert gjennom bilete og utstillingar, slik at både prosessen og dei ferdige produkta blir synleggjorde i garderoben og på Kidplan. På denne måten får barna oppleve at arbeidet deira blir verdsett, samtidig som foreldre får innblikk i det kreative arbeidet som skjer i barnehagen.